لما سكت الكلام بقلم علي الحسيني
لما سكت الكلام
علي الحسيني المصري
لما سكت الكلام شاور قلبي عليك
وكأنه طفل بتلاغيه ويلاغيك
وصبح امر هوانا في إديك
و حكمت بالشوق عليا وعليك
وزي ما اتقابلنا افترقنا مرة تانية
يا ال بعدت وسبتنا
أنا سبت روحي تطوف حواليك
وبيسألوا ايه السر اني ما بغنيش غير ليك
ولا عمري بحس أني في الدنيا
غير لما بغني لعنيك
فين اراضيك وفين لياليك الهنية
يا ال بتغير حتى من العجوز السليك
وعملت من الكلام شبابيك
تبوص بيها عليا وابوص عليك
بتقول لي صبح الكلام بشيجيني ويشجيك
طب قول لي مين هيواسيني ويواسيك
مين دلوقت ال بيغني لعنيك يا غالي عليا
هو انت مش عارف ان بيت قلبي جنب عنيك
وان الشجر الاخضر والربيع ديما يسألوني عليك
واني سهران اكلم عنك نجوم لياليا
المزيد من المشاركات
و سألوني ليه انا ديما روحي بتطوف حواليك
ولا عمر كان ليك في قلبي شريك
قلت أصل أنا ديما بحس انها بتنده عليا
ولما باجي اسيب حلمها وافتح عنيا
روحه بتقول لي
استناا شوية
أستنا ما تمشيش وخليك ف عنيا
يا ال بتدعي اني أزورك و أجيك
ولما بيجيلك بتقول ان كلامي بيبكيك
انا ال دقات قلبي ديما تبوس نبض أديك
انا ال دقات قلبي بتعزف ليك بحنيا
انا اقدر على ايه غير اني اتمنالك عيشة هنيا
ويقول عقلي هي السبب هي
ويفول قلبي برضك غالية عليا
معقولة نتقابل ونفترق كده ف ثانية
وادعي عليك بأيه غير باللقا
ونتقابل. انا وانت عيونك مرة تانية
