لمن لم يعرف عبد الحميد طه ابن قرية التوفيقية في الفيوم
لمن لم يعرف عبد الحميد طه ابن قرية التوفيقية في الفيوم
عبد الحميد طه عبد الحميد ، ابن قرية التوفيقية في الفيوم ، جاله استدعاء للقوات المسلحة في شهر فبراير عام 1967، بس قبلها بشهور خطب بنت عمه وتحديدا في ديسمبر عام 1966.. ولما راح الاستدعا قالهم ان شاء الله هرجع واتجوز…
عبد الحميد طه وما حصل له في نكسه ٦٧
راح عبد الحميد من هنا والنكسة حصلت من هنا وانت عارف انت في الحرب لأما ميت لأما حي ، بس هو لا كدا ولا كدا ، هو مفقود ، فاعتبروه شهيد ، وبعتوا لاهله انه لم يستدل على ابنكم ، وادولهم شهادة فقد ، متخيل الفكرة ، انت مش عارف ابنك مان ولا عايش اصلا
المهم يعني ، اهله ، فضلوا على امل انهم يلاقوه ، دجال يقولهم انه وقع في الاسر ، وواحد تاني يقولهم اصل مش عارف ايه ، وتالت يقولهم دا عايش في الاردن ، وكل واحد بحكاية ونصباية غير الي قبله ، قصة صعبة قوي وحقيقية قوي قوي.
انتصار احمد رجب
محتاجين ناخد بالنا بقلم انتصار احمد رجب
طيب البنت اللي خطبها تتجوز ولا تستني ، طيب اهله يفقدوا الامل ولا لا .. بعد 4 سنين ، ماتت امه ، ماتت وهي مستنية تشوف ابنها ولو لمرة او حتى تعرف هو فين ،
وبعد 46 سنة من غيابه مات اخوه حسن ، وفي سنة 2017 ، يعني تقريبا بعد خمسين سنة من غيابه.
واخيرا ظهر عبد الحميد اثناء حفر طريق سيناء
كانوا بيعدلوا طريق في سيناء ، فـ سواق لودر لقى عضم بيطلع معاه ، وقف يا عم ، لقوا هيكل جثة عبد الحميد و 3 رصاصات و 35 قرشًا وبطاقته وخطاب الاستدعاء بتاع الجيش.
استشهاد عبد الحميد طه
علشان يعرفوا ان عبد الحميد طه ابن الفيوم استشهد ، ومات شهيد في حرب محكيناش عنها بالقدر الكافي ، واتدفن في مقابر الشهداء في مدينة السويس ، بعد ما عاش 25 سنة بس ، وفضل جثمانه من غير دفن 50 سنة.
الله يرحمك يا عم عبد الحميد
بسم الله الرحمن الرحيم و لا تحسبن الذين قتلوا فى سبيل الله امواتا بل احياء عند ربهم يرزقون
صدق الله العظيم
