مشاهير اليوتيوب .. محمد اوتاكا

= كتب : ابراهيم مرزوق 

= فى هذه الأيام السوشيال ميديا وخصوصاً اليوتيوب أصبح عالماً ملئ بالنجوم والمشاهير وظهرت لهم مئات القنوات التى تضم محتويات مختلفة جذبت انتباه الجميع وأصبح لهؤلاء النجوم ملايين من المتابعين ..

ونحن فى ( أسرار المشاهير )  فكرنا فى هذا الباب لنتعرض فى كل حلقة لنجم من مشاهير اليوتيوب وإلقاء الضوء على قصة نجاحه ورحلة كفاحه وملامح من حياته ليستفيد القارئ من تلك التجربة .. واليوم نلتقي مع النجم ( محمد اوتاكا ) ..

= محمد اوتاكا شاب عشريني طموح يعتبر شعلة من النشاط .. عندما تراه لأول مرة تشعر أنه أخ لك أو احد أصدقائك المقربين .. فهو يتحدث ببساطة وتلقائية شديدة فى كل فيديوهاته .. فهو يقدم محتوى ريأكت على بعض فيديوهات التيك توك بشكل كوميدى ساخر .. كما يقدم فيديوهات قصيرة يؤدى فيها مشاهد تمثيلية من تأليفه وإخراجه كما قدم فيديو كليب لاغنية ناجحة باسم ( الفلوس ) .. وقناته على اليوتيوب اقتربت من المليون متابع .. وفى خلال عام قدم حوالى 100 فيديو متنوع كون من خلالها جسور محبة بينه وبين متابعيه بما يمتلكه من تلقائية وبساطة شديدة تؤهله أن يكون أحد نجوم عالم الفن فى القريب العاجل ..

= تحدث اوتاكا لـ ( أسرار المشاهير ) فقال : اسمي محمد علاء واسم الشهرة محمد اوتاكا ادرس سياحة وفنادق واهم هواياتي صنع محتوى على السوشيال ميديا والتأليف .. بدأت يوتيوب في عام 2018 ولم القي تشجيع من احد على الإطلاق ولم يكون احد يتوقع لى النجاح حتى انا ايضا لم أكن أتوقع هذا النجاح الكبير الذى تحقق لى لكن كنت أقول يارب وفقني دائماً .. وكنت راسم لنفسي خطوات ثابتة وإنى فى يوم أكون فنان مشهور ولي جمهور .. والحمد لله بعض هذه الخطوات تحققت بالفعل ومازال الطريق طويل ..

= احياناً حد يشوفني وانا بأصور ويقول لي انا نفسي أتصور معاك وباتمني أشوفك او أتمني ترد عليا والكلام ده بيضايقنى جدا لانى باحس إني شخص عادي بيمشي فى الشارع وسط الناس وبيهزر مع الكل وكلنا أخوات ..

= أطرف موقف حصل لى انى كنت اثناء تصوير فيديو صديقتي اللى ح تشاركني تصوير الفيديو وصلت الساعة 11 صباحاً عشان نصور وعادة النور ماكانش بيقطع لكن فى اليوم ده كل مانقول هنصور النور يقطع .. فضل الكلام دا لحد العصر والمشكلة إنها كانت اول مرة نصور مع بعض .. فلكم ان تتخيلوا كمية التعليقات الكوميدية الساخرة والافيهات التى حدثت .. بس الحمد لله اليوم عدى على خير وفضل الموقف ذكرى طريفة حتى الآن ..

= أوقات أجد أشخاص بتنتقدنى بدون سبب ويعملوا فيديوهات عشان اطلع ارد عليهم  ويأخدوا مشاهدة اعلي لكن بارفض ارد ألاقيهم يكلموني عشان يحاولوا يكسبوا أي شهرة وانا مش بأحب النوعية دى من الأشخاص لأنهم بصراحة بتوع مصلحتهم فقط ..

= احلامى المستقبلية ليس لها حدود وحلمي الاول أني أصبح ممثل مشهور في عالم التمثيل والفن والإعلانات والناس كلها تعرفني  وتحبني وأكون مصدر سعادة لكل الناس وباحاول اعمل كده في اليوتيوب يمكن أوصل وان شاء الله أكيد خير طالما انا باجتهد فى شغلي اللى باحبه ..

=  تقريبا كل فيديوهاتي نفس المستوى فى نسبة المشاهدة يعنى مافيش فيديو معين كان سبب شهرتي زى ناس كتير جدا بيكون معاها فيديو حظ .. انا كل فيديوهاتي نفس الأرقام وأتمنى أفضل محافظ على نسبة المشاهدة العالية فى كل فيديوهاتي عشان جمهوري يكبر دايما ..

= اكتر حاجه الناس حبتها فيا ان كنت بأرحب بكل الناس الجديدة اللي بتتفرج على فيديوهاتي والناس القديمة اللي أترحب بيها يرحبوا بالجداد .. والناس حبت ده جدا وانا الحمد لله باتعامل مع الناس بطبيعتي يعني ممكن اعمل فيديو بالترينج عادي جدا عشان المشاهدين مايحسوش بفرق بينا .. فانا واحد منهم وهم زى اخواتى واصحابى ..

= انا نفسي فى حاجة واحدة بس وهى انى ارضي كل الناس غني وفقير كبير وصغير والكل يحبني ونفسي حتى لو ربنا مااكرمنيش فى التمثيل يكرمني فى اليوتيوب .. ونفسي أوصل صوتي لكل مصر والبلاد العربية بس بالحب والخير مش بالكراهية والحقد .. ونفسي ربنا يكرمني ويكرم كل الناس ويكرم أهلي وأشوف مصر احسن بلد فى الدنيا ..