كل مااجهز الاكل يوماتي
مش عاجب جوزى ولا حماتي
دانا استاذه وشيف ف المطبخ
ولا فيش مرة ف اكلي اعوك
بس انا اعمل ايه لحماتي
بتسم بدني بكلامها ليلاتي
وابنها ولا في دماغه احساسي
بتعبي عشانه.وبحثي ف الفيسبوك
عن اكلات جديده علشانه
وقال ايه آخرتها بعوك
اااه لو مره يشجعوني
وبكلمه حلوه يجاملوني
كنت ارحمهم انا من تجاربي
وارضيهم انا من عيوني
لو بطلو تريقه علي اكلي
واعتزل الطرق الجديده
اللي بعبر بيها عن مواهبي
اصل دى الطريقه الوحيده
اللى بفرغ فيها كل طاقتي
وعن نفسي م الضغوط بفُك
عاوزه اعمل خطه محكمه
اكون انا ف حياتي وبيتى متحكمه
انجح مره وافشل مره
ويبقي جوزى حقل تجارب
وان عكيت مثلا كام مرة
يتحملني ويثبت مكانه
ولا يجرى مره على حماتي
والاقيه من تجاربي هارب
عرضت مشكلتي علي صحبتي
الله يباركلها لقت حل لمحنتي
وقالتلي ياخايبه اضربي المربوط
يخاف يابت السايب
واهو من ساعتها وعجبه اكلي وبقا مبسوط
وحماتي راجعت نفسها
وبقت تقوللي اكلك واحشني ياحياتي
