كتبت سمسمه سعد
مده التحضير ساعة
مده الطهي نصف ساعة
المقادير
اولا مقادير الاسبونش
3بيضات
كوب الاربع سكر
نصف كوب زيت
نصف كوب حليب
كوب دقيق
3معالق كبيره كاكاو خام
معلقه صغيره بيكنج بودر
5ورقات فانيليا نصف معلقه صغيره
ثانيا مقادير الموس
200جرام بودرة كريم شانتيه
كوب مياه ساقعه جدا
2كوب زبادي فاكهه
300جرام شكلاته خام
معلقه كبيره جيلاتين بودر
كوب ونصف حليب
7معالق مياه
الطريقه
اولا الاسبونش
في طبق غويط نكسر البيض وننزل عليه بالسكر ونضرب اربع دقايق لحد ما يعمل فوم
ننزل عليه بنصف كوب الزيت ونصف كوب الحليب ونضرب دقيقه
ننزل بالدقيق والكاكاو والبودر والفانيليا ونقلب بالراحه بددون بالاسباتيولا
هتتكون عجبنه سائله
نبطن صنيه او صاج مقاس 26بورق زبده وننزل بالخليط وندخله الفرن على الشبكه لمدة 25دقيقه بعدها نختبرها لو استوت نطلعها من الفرن
نشلها من على ورق الزبده ونسقيهابكوب حليب بارده ونسيبها تبرد
ثانيا الموس
في بوله غويطه هنضرب 200جرام كريمه وكوب الميها البارد جدا ونضربهم بالمضرب لحد الكريم شانتيه ما يتماسك
ننزل عليهم بالزبادي ونستمر في الضرب دقيقتين
ننزل بنصف الكريمه على وجه الاسبونش هيكون طبقه كريمه سميكه ندخلها الفريزر خمس دقايق ونبدا نكمل باقي الموس
هنعمل حمام ميمي 120جرام شيكولاته لحد ما تسيح خالص هننزل بيها على نصف الكريمه الباقي
ونقليها مع بعض
نخرج الاسبونش من الفريزر ونفرد تاني طبقه من الكريمه على وشه ونفردها جيدا وندخلها الفريزر نصف ساعه تبرد وتتماسك
في الوقت ده نعمل حمام مياه ساخنه 180جرام شيكولاته الباقي لحد ماتسيح جدا
نسخن نصف كوب الحليب الباقي وننزل بي على الشيكولاته معلقة الجيلاتين البودر وننزل عليها ب 7معالق مياه ونقلبهم جيدا لحد الجيلاتين مايدوب خالص
نخلط الجيلاتين بالشكلاته باللبن ونقلبهم جيدا
ننزل بالخليط على وجه القالب وندخله الفريزر لمدة ربع ساعه
نخرجه نقطعه ونقدمه
وبالف هنا
رئيس قسم المطبخ أ سمسمه سعد
واسماء عزازي