وبسأل نفسي ليه ديماً؟ كتبها/ سامح بلال.
وبسأل نفسي ليه ديما ؟
ليه رغم القسوة مش ناسيه
ورغم البعد قلبي معاه
ليه كل الدنيا مش حلوة
ولسة في حلمي أمنية
وحتى في واقعي بتمناه
ليه بضعف كل يوم اكتر
واحن اكتر من الاول
وكل القوة لو يظهر
قصاده الضعف تتحول
بتتحول لشوق وحنين
وبنسى ابدأ بأي ملام
المزيد من المشاركات
ومش قادرة اخد موقف
ولا اقنع قلبي يوم بخصام
لامتى ياقلبي هتسامحه
وترجع كل يوم مجروح
لامتي هتمشي وتكمل
في سكة مفيش آخرها رجوع
وفيها الفرح تاه مني
وحتى الحلم مش مسموح
ياريت تفهم وتتعلم
وماتعشِ الحياة في اوهام
ولا تعيش حب من غير روح
