ولسه فيكي الخير يابلدي”الست ام رضوان الملوانيه” نموذج مُشرف لسيدات مصر والصعيد

رفضت المكافأة

ولسه فيكي الخير يابلدي”الست ام رضوان الملوانيه” نموذج مُشرف لسيدات مصر والصعيد بالأخص اللي قال عنهم الكتاب ربنا يبارك في عمرها ويجازيها خير

الحاجه “أم رضوان” اللي قدام حضراتكم في الصور دي ست فقيرة جداً من قرية تابعة لمركز ملوي في المنيا وهي معديه إمبارح في الشارع اللي فيه بيتها لقت مبلغ ٢٥ الف جنية

محطوط جوه شنطة صغيرة وواقع علي الأرض وعلى الفور أصرت ترجع المبلغ لصاحبه بلغت كل الناس أنها لقيت فلوس واللي معاه أمارتهم ييجي ياخدهم

لحد ما جه ليها شاب مكافح راكب تيروسكيل وقالها الأمارة كذا وكذا والمبلغ ٢٥ الف جنية

القناعة كنز لا يفني

الشاب صمم يديها فلوس من المبلغ لكنها رفضت وضحكت وقالت له ما كلهم كانوا معايا ياولدي

الحاجه أم رضوان بتقول للناس اللي ماسكين في الفلوس بإديهم وإسنانهم ان الفلوس مش كل حاجه

وان المثل اللى بيقول معاك قرش تسوى قرش مثل ملوش إى ستين لزمه وإن الشرف والامانه والضمير أهم من كنوز الدنيا واللي عليها . الصعايدة اهم💪👇

كتبت /ماريانا مختار المنيا