ولو بعد حين … للشاعر : محمد زيدان
ولو بعد حين
الشاعر : محمد زيدان
بَلْ أَحْيَاءٌ عِندَ رَبِّهِمْ يُرْزَقُونَ (169)
*****************
فى كل المساجد والكنائس والمعابد
اعلنوا
وف كل انحاء الارض
عن ظهور اولى علامات الساعه
بوصول الصهاينه لاعلى قمم المجد
بان الانسان فى هذا الزمان … للشيطان ( الكيان الاسرائيلى )
قد استعد
لتحقيق كل طموحه وجميع اهدافه
اعطاله الضوء واداله الاشاره
يزيد من اجرامه اضعاف اضعافه
وافق على كل شروطه
بانه
لا ينصر فى يوم مظلوم
ولا عن ظلمه يفكر يرد
خلاص
دم الاطفال فى بلاد العرب اصبح مباح
وده شىء مش وليد اللحظه دا من زمان
من ساعه مانقضنا الايه وسمحنا
بوجودهم مابينا … وعلى اجزاء من وطنا اتفاوضنا
واقتنعنا
ان هييجى من وراهم سلام
وان ليهم عهد
تخيل
اطفال بتحارب وبتتحارب
من غيراى دعم من غيرحتى ساند
مفيش غير كام دعاء احيانا
داخل الكنايس وجوة المساجد
واحتمال كمان ميكونش صادق
والا كان من زماااااااان
رب الكون معاه اتجاوب
ومع كل طفل منهم وهو مغادر لرحم امه
بيتولى دور فى قضيه
وبيكلفه الزمن بمهمه
وبمفرده
بيتولى الدفاع عن ارض وعرض وشرف وعقيده امه
تخيل
لكن ورب موسى على راى اعدائى
هييجى يوم والكل فيه
باثر رجعى …. هيتحاسب
الفاتورة بالكامل هتتسدد وتدفع
على داير مليم وعلى كل قطرة دم …
واولهم ….
اللى كان منوط ع الظالمين بالرد
على كل طلقه خرجت فى يوم من سلاحهم
على شباب فى عمر الزهور نهت حياتهم
على كل طفل وعلى كل طفله
اتحدى مخلوق ان ياتى للامه بعددهم
والى كل واااااحد … دمهم فى رقبته
وانت فى بيتك بص لبنتك
واسالها
وف نفس الوقت اسال نفسك
هل تملك من الرجوله شىء
وسيب نظراتها هى تجاوبك
وساعتها
هتشوف فى عنيها افضل وصف وابلغ رد
*********
اعدائى الصهاينه كونوا مطمئنين تماما
بان عصركم الذهبى …هو العصر الحالى
كونواعلى يقين تماما
بان هذا الجيل
ممنوع ومحروم من اى تكليف الهى
ممنوع من رد ظلم
من رد ارض
من نصر دين
اعدائى الصهاينه كونوا مستعدين تماما
فاعاجلا ام اجلا
سينتهى امركم بشكل نهائى
كونوا على يقين تماما
بان سياتى يوم
هيكون كيانكم فيه بالارض متساوى
هيكون هو والعدم سواء
مهما اعتلى نجمكم السماء
سياتى هذا اليوم …ولو بعد حين
فهذا ميثاق من اله الكوووووووون
وعهد
