يوم حزين
شعر / غرام نعيم
يوم حزين
وده يوم حزين من تاني
فيه ضاعت الأماني
بيعيد علينا تاني
كام مشهد من جديد
لخص حال الغلابة
ويا السكة الحديد
صرخات واستغاثات
مصابين ويا الضحايا
أعدادهم بالمئات
اشلاء على القضبان
ودماء مالية المكان
دموع في كل بيت
وإن رحت ولا جيت
تسمع صوت الأهالي
وسط دموع وآهات
فينك ياولدي فينك يابنتي
فينك يابوي
وفينك ياما وفينك ياخوي
وحتتكرر مآسي ونودع فيها ناس
وآخرة الحكاية تعويض يعني وخلاص
ليه بس يامصر فيكي
مكتوب على الغلابة
يدفعوا تمن الفساد
والإهمال والخيابة
المزيد من المشاركات
غرام