أنا سامع … بقلم: جمال القاضي
أنا سامع
بقلم: جمال القاضي
المزيد من المشاركات
أنا سامع صوتك العالي مع الضحكة
أنا شايف كمان رسم ملامحها
وشايف على الوجه حقيقة تفاصيلها
بس يا خسارة ملامحها
ضحكه ممزوجة بالحزن وبشوفها
وغيرها ف ثانية غريقة ف دموعها
أنا حاسس بيك وجواك
أنا سامع مع النبضة والنبضة
آهات وترن جوايا وسامعها
آهات ومن كتر أنينها وآلامها
طالعه من جواك بوجعها
أنا نفسي في يوم أشوفك فيه
وأقول من القلب مبسوطة
وطالعه جميله لها الضحكة
ونفسي تقولي انا اليوم وكمان بكرة
غير البارح والله من جوايا فرحانة
بس يا خسارة بشوف معاك ف الضحكة
كأن خيوط ومن كتر الهم حواليها
خيط ورا خيط عليها ملفوفه
وانت من جواك هتحس بالدنيا
وكأنك فيها ومعاها مخنوقه
بس أقولك انسي الدنيا وهمومها
ومن جوه القلب طلعي الضحكه
هترجعلك تاني حلوه تفاصيلها
والحال من تاني يتغير وساعتها
ألوان غير ألوانها هنشوفها
ألوان كتيره وغريبه هنلقاها
والأبيض هو اللون الحلو للضحكة
