العناية الالهية تنقذ يوسف فخر الدين فى كل مرة

عمار بين يوسف فخر الدين وبين الحوادث

كتبت / غادة العليمى

الفنان الوسيم خفيف الظل يوسف فخر الدين كان بيصور مشهد وهو بيسوق عربية بسرعة فى فيلم من افلامه.. وبسبب السرعة الزايده العربية اتقلبت بيه وقدروا ينقذوه ويخرجوه من الشباك..
وقتها افتكر يوسف انه بينه وبين الحوادث عمار..

وقال انه متعود على الحوادث من وهو صغير

فى مرة كان بيلعب مع اخته مريم بالعربية فى الشارع وهو طفل .. ولما كانت بتزقه بسرعة قعد يصرخ.. لحد ما مريم سابت العربية فخبطت فى الرصيف واتقلبت بيه وبدأ ينزف من وشه وراسه.. وشافت مريم الدم فاتخضت وطلعت تصرخ وتجري..واتلم الناس على يوسف ورجعوه البيت وطلبوا له الدكتور..
وفى مرة تانية كان مع اصحابه فى المدرسة وفى يوم من الايام اقنعوه انهم يهربوا وينطوا من ع السور اللى ارتفاعه 3 متر.. ورغم انه مكنش من الطلبة اللى بتزوغ الا انه وافقهم وطلع على السور وبدأ يهيئ نفسه للنط.. لكن لما جه ينط رجله اتزحلقت ووقع دراعة اتكسر..
في مرة تالتة برضه وهو صغير ونازل على السلم من الدور التانى واحد رخم حط رجله قدامه وهو نازل من على السلم .. فخد السلم من الدور التانى لحد الدور الارض دحرجة وفضل فى السرير 3 شهور يتعالج..
مرة رابعة وهو بيصور فيلم قبلة من نار مع شكرى سرحان كان المفروض شكرى بيديه بوكس جامد وهو بيستقبله بشجاعه.. لكن وقت التصوير الشجاعة كانت زيادة حبتين فخد البوكس من هنا ورقبته اتلوحت من هنا وقعد اسبوع رقبته ملووحة ومش قادر يحركها..
ويبدو ان يوسف فخر الدين دايما مصاب