بكر الشادى نجم مسلسل ( البخيل وانا) المعروف .. الذى لا يعرفه احد

1. الشاب ابو نظارة

كتبت / غادة العليمى

ناس كتير لما بتشوف مسلسل “البخيل وأنا” بتسأل عن الشاب ابو نضارة اللى عمل دور كمال ابن عبدالرحمن بيه اللى هو اخو سي عوض البخيل وليه مكملش بعد المسلسل ؟ وليه اختفى فجأة ومعدش حد بيسمع عنه أى حاجة .. رغم ان اسم الراجل بيتردد باستمرار فى موسم الرياض بس احنا اللى مش بناخد بالنا..

الراجل ده يبقى بكر الشدي اللى بتسمع اسمه فى حفلات موسم الرياض بعد ما تركى ال شيخ اطلق اسمه على مسرح من المسارح الكبيرة اللى بتستضيف فاعليات الموسم تكريما ليه.. طب ليه تركى يطلق اسمه على مسرح سعودى وهو مصري ؟ ..

الاجابة باختصار ان بكر الشدي يبقى سعودي مش مصري.. صحيح كان بيتكلم فى البخيل وانا مصري لبلب بس هو اصلا سعودي..

بكر عنده 3 ولاد وهو متخرج من جامعة الملك سعود كلية الآداب قسم لغة إنجليزية .. وبعدها خد ماجستير من جامعة أوهايو الأمريكية وبعدها دكتوراه من جامعة درم ببريطانيا فى الأدب المسرحي وكانوا بيقولوا عليه ان بكر “مجموعة دكاترة فى فنان”..

قدم بكر على مدار مشواره 40 تجربة اغلبها تاريخية ودينية بسبب فصاحته وبلاغته وكان فى اعمال تانية بيتسعينوا بيه كمدقق لغوي.
ورغم ان بكر كان مخطط لاعمال تانية كتير الا انه تعب فجأة واكتشف اصابته بسرطان فى المخ، وفضل يقاوم ويعاند مع المرض لحد ما مات وعنده 44 سنة..
رحمة الله عليه