اين ذهب ايمن
كتبت / غادة العليمى
في سنة 1999 طرح محمد فؤاد ألبوم قلبي وروحي وعمري وكان فيه أغنية أنا لو حبيبك اللي قرر يصورها بفكرة سينمائية وكانت وقتها كاملة أبو ذكري مخرجة مساعدة في الكليب واختار المخرج وقتها الطفل أيمن محمد أيمن عشان يقوم ببطولته..
الأغنية نجحت جدا والكليب نجح بشكل أكبر بكتير من المتوقع لدرجة إنه لحد اليوم الغنوة تستدعي ذكريات كتير لكل الناس اللي شافوه وقتها ذكريات فيها الحلو وفيها اللي حابين إن احنا ننساه لكن في كل الأحوال تفاصيل الكليب بتفكرنا بالأيام دي خاصة الطفل أيمن..
ملامح أيمن البريئة فضلت في دماغنا واحنا رافضين إنها تتغير.. لكن أيمن كبر وبقى شاب.. الكليب عدى عليه 24 سنة دلوقتي.. دي حقيقة ما نقدرش ننكرها
يا ترى بعد السنين دي كلها إيه مصير ايمن.. شكله بقى عامل إزاي.. وليه اختفى بعد فترة فنية قصيرة
شارك ايمن فى كثير من الاعمال وهو صغير منها الكليب ومنها العمل السينمائى مثل فيلم هالو امريكا مع عادل امام لكنه حين كبر ابتعد تماما عن مجال التمثيل على غير المتوقع ويعمل حاليًا في مجال الطيران،
حيث نشر صورة له من أمام أحد المطارات، وانتشرت صور سنة 2021 كالنار في الهشيم وتذكر رواد مواقع التواصل الاجتماعي طفولتهم عندما شاهدوا أيمن بعد ٢٤ عام من الكليب الشهير ليعرفوا ونعرف جميعا ان السنوات تمر دون ان نشعر
