مين قالك تسكن في حارتنا
كتبت / غادة العليمى
مين قالك تسكن فى حارتنا تشغلنا و تقل راحتنا !
أغلبنا يعرف الاغنية دي بس مش كتير يعرف انها اول فيديو كليب يتعمل في #الوطن_العربي ، الاغنية
ما كانتش في فيلم زي ما كتير فاهمين ، الاغنية تم انتاجها سنة 1960 ، و دي كانت سنة افتتاح #التلفزيون_المصري و الاغنية اتعرضت في افتتاح التلفزيون
الاغنية لطيفة بشكل مش طبيعي ، وكان تصويرها عبارة عن لقطة تمثيلية شادية واقفة في البلكونة بتنشر الغسيل و بتغني لجارها اللي واقف قصادها في الشباك و تقوله ” يا تشوفلك حل في حكايتنا يا تعزل و تسيب حتتنا ، مين قالك تسكن في حارتنا ! ”
و بتبين له ادد ايه هو شاغلها فبتقوله : ” يجي أبويا يعوز فنجال قهوة اعمله شاى واسقيه لأمى و خيالك يجى على سهوة مافرقش ما بين خالتى و عمى ”
بس اللي حقيقي يحسب لـ #شادية انها كانت جد اوي في علاقتها بجارها ده فقالتله :
” تشاورلى عشان انزل اقابلك ياخى بعدك بيتنا ماهو جنبك
لو تيجي ابويا حيفتح لك خد و ادي معاه وافتح قلبك
و مافيكش حاجة حتتعيب لما يسألنى راح أقول طيب
والنور ينقاد على باب بيتنا وداير ما يدور بلكونتنا ”
كل الحب لشادية اللي رفضت تخرج معاه او تقدم اي تنازلات ، و كانت حاسمة لدرجة انها قالتله ” يا تشوفلك حل في حكايتنا يا تعزل و تسيب حتتنا ”
حقيقة اغانى زمان كانت طريقة