خبير ف البدع قصيدة للشاعرة هبة حلاوة
خبير ف البدع قصيدة للشاعرة هبة حلاوة
قصيدة للشاعرة القديرة هبة حلاوة
بقيت خبير ف البدع
م أنا شفت منها كتير
ف الدنيا دي الجدع
ميعيش فيها بصير
بقيت خبير ف الصمت
شبعت م التحوير
تظبط دماغك ظبط
لو تفصل التفكير
بقيت خبير ف السهر
والقهوة والنيكوتين
و رص أجدع حجر
ونفخ بني أدمين
بقيت خبير ف الهطل
من عشرة المجانين
ما الحق لما اتسطل
المزيد من المشاركات
شاف اللوع دا يقين
بقيت خبير ف السمك
من كل شكل ولون
بصيده من غير شبك
وبميز المضمون
والناس دي زي السمك
فيها اللي قلبه دهون
وفيه محار يبهرك
ب لؤلؤه المدفون
بقيت خبير ف الفرجة
أنا من بعيد لبعيد
صنارتي زي كمنجة
اعزف بيها وأصيد
مع نفسي ف القارب
عمال بعيد وبزيد
ف لحن عاش هارب
م الوحدة والتجاعيد
