خلصت عليه وشغلت قرأن … جبروت إمرأة ؟!
خلصت عليه وشغلت قرأن … جبروت إمرأة ؟!
كتبت / أميرة الصاوي
إمرأة من نار ، لا تعرف معني الرحمة والإنسانية ، لم تصون العشرة ، لم تصون حلالها وزوجها ، من أجل ربح علاقة محرمة تفوز فيها بسخط الله عليها وغضبة ، والفوز بنظرة البشر المؤذية لها ، نالت ما تريده في البداية ولكن دوام الحال من المحال ، أنزل الله سخطه وغضبة عليها ، لم تفكر في أن أمرها وعلاقتها المحرمة قد ستُكشف في يوم من الأيام ، كانت تفكر في أنها ستستمر في إقامة العلاقة الجنسية مع عشيقها دون علم أحد ، لكن أمر نافذ ، من الفسق والفجور استعانت بعشيقها للتخلص من زوجها وحلالها ،لكن ماذا كسبت ؟ ماذا جمعت من الدنيا ؟ … جمعت غضب الله عليها ، جمعت سخط الناس منها ، جمعت فقدان ثقة أطفالها منها ، لم يؤثر فيها معروف فعلة زوجها من أجلها ، علاقة محرمة انتهت بالقتل والحبس .
ما تفصيلات اعترافك للواقعة ؟ انا اتعرفت على عشيقي في فرح شعبي وبعدها مارست معاه علاقة محرمة وبعد مرور أيام وشهور ، قررت انا وعشيقي إننا نتخلص من جوزي وفي مرة عشيقي كان عندي وجابلي معاه كيس “سم فئران” وقالي حطيه لجوزك في الأكل وأنا قولتله لا مش هقدر أعمل كدا ورميت كيس السم دا بس هو جابلي كيس تاني ، وكنت كل مرة برمي الكيس وأضحك علي عشيقي وأقوله أنا حطيته ليه ومعملش حاجة معاه .
هنحاول ننيمة ونخنقه!!
أكملت المتهمة اعترافاتها : عشيقي قالي هجبلك نوع سم يكون أقوي وجابة وأنا محطيتوش في الأكل وبعدها قالي إحنا لازم ننيم جوزك ونخنقه ومش هيبان انه مقتول وفضلنا نتكلم في الموضوع ده كتير لحد يوم رأس السنة ، وبعدها بيومين جوزي سافر الساحل مع صحابه وسابني في الشقة لوحدي أنا وولادنا فكلمت عشيقي وحضر للشقة ومارسنا علاقة جنسية كاملة في اليوم دا وهو مشي الساعة 10 الصبح وكان معايا بناتي بس محسوش بيه وبعدها اداني كيس السم وقالي حطية لجوزك لما يرجع من السفر بس أنا رميت الكيس دا لتالت مرة .
هجيب واحد معايا ونخلص عليه .
تابعت المتهمة : يوم الجريمة الساعة 1 الضهر وصل جوزي من السفر وبعدها مارس العلاقة معايا مرتين ” مرة العصر ومرة بليل ، في الوقت دا أحمد ابني كان في حلوان وبنتي كانت عند عمتها وبعدها بساعتين دخل جوزي إلي غرفة النوم وعشيقي اتصل بيا وقالي حطي لجوزك المنوم انهارده وقولتله حاضر !
وبعدها صحي جوزي وقالي اعمليلي قهوة وأنا دخلت أعملة القهوة حطيت ليه حباية المنوم في القهوة وبعدها عشيقي كلمني وقالي هاجي أخلص عليه وسألني هتبقي معايا قولتله مش هقدر أشوفك وانت بتعمل كدا فقالي خلاص هجيب واحد صاحبي معايا وبالفعل جاب صاحبه وخلص علي جوزي .
خلصت عليه وشغلت قرآن !!!
استكملت المتهمة : بعدها لقيت عشيقي بيقولي خلاص هو مات أنا هروح أرميه في أخر الشارع في مكان ضلمه ، ولما عشيقي نزل بالجثة قفلت باب الشقة وشغلت قرأن وبعدين دخلت الأوضة التانية صحيت مريم وأنا كنت خايفة أقعد في الشقة لوحدي وبعدها كلمت مناب أخت جوزي وقلتلها سامح نزل من بدري ومعرفش عنه حاجة لحد دلوقتي وبعدها رحت قسم الشرطة مع أحد أقارب جوزي ، واتكلمنا مع ظابط الشرطة ، وفوجئت بشخص بيقولي ” جوزك مات ولقيناه مقتول ومرمي في مقلب زبالة ومر يوم والتاني لحد ما قبضوا عليا أنا وعشيقي بتهمة الإشتراك في قتل جوزي .
