شهر من العار…للشاعر/ محمد زيدان

شهر من العار

الشاعر / محمد زيدان

شهر من السكوت والخوف والعجز

وخذل ناس استنجدت بينا

شهر واحنا غارزين فى عارنا غرز

عار…عمر الايام ما هتمحية ما حيينا

هيفضل الدم شاهد

على ان اتحركله الحجر والشجر

وعشانة امتنع عن النزول المطر

ومع ذلك محركش ساكن فينا

هيفضل شاهد

على انة اتقابل من البشر

بشعور بارد

واللى مستنى لا سمح الله اننا عشانة نجاهد

فا إيأس ..

هذة الجينات لم تعد موجودة فينا

هيفضل وهنفضل

هيفضل هو ف برزخه ينعم

واحنا هنفضل…

ومش هنسلم

من ذنبة اللى عاجلا اجلا هيترد لينا

هيتردلنا غلاء ووباء وقهر وظلم وجور حكام

اصل استحالة ربك هيعديهالنا مرور الكرام

ومهما كان شكل العقاب

فاهذا ما اقترفتة ايدينا