على مهلك … بقلم: ماجدة البهيدي
على مهلك
بقلم: ماجدة البهيدي
علشان خاطري على مهلك
أنا قلبي ده مش قدك
في شيء ف عينيك بيندهني
ولو بصيت بتوه وأهلك
أنا ناسك وأنا أهلك
أنا الصعب اللي كان سهلك
وروحي حتة من روحك
و كل ما فيا يشبهلك
أنا نبضك أنا قلبك
أنا العمر إللي كان جمبك
على راحتك دأنا رأحتك
انا الدنيا اللي تستهلك
أنا صوتك و أنا سكوتك
أنا النن إللي في عيونك
انا في ليلك بغنيلك
وأقول الاه في مواويلك
أنا سيرتك و أنا صورتك
وبعشق فيك انا غيرتك
وكل ما فيك مجنني
وحتى الشامة على خدك
المزيد من المشاركات
أنا شمسك وأنا ضلك
أنا إللي بعيش معاك حلمك
أنا الحضن إللي لك دافئ
في وقت الشدة بيضمك
أنا صبرك وأنا جبرك
أنا حزنك وأنا فرحك
أنا الأيد إللي بطبطب
أنا كلي فداك كلك
أنا حلمك أنا علمك
وأقرب حتى من أمك
ومين غيري أنا يصونك
ومين غير قلبي هيضمك
أنا بجري في شريانك
و عايشة بس علشانك
و روحي سارحة في روحك
و قلبي داب في حنانك
