كب كيك الموز مقدم من الشيف المبدعه سماح محمد

مقدمه من / سماح محمد
وقت التحضير ٢٠ دقيقه
وقت الطهي : ساعه
🍌🍫🍌 كيك الموز بالشيكولاته 🍌🍫🍌
تعالو ندخل الموز اللى عندنا فى صنف لذيذ وجميل للفطار او مع النسكافيه
المقادير :
كوب وربع سكر بنى ( او سكر ابيض عادى ) ( او سكر ابيض واخلطيه بمعلقة عسل اسود )
نص كوب زبده او سمنه
2 بيض
3 معالق كبيره شيكولاته
2كوب دقيق ومعاهم نص معلقه صغيره كربوناتو
كوب ونص موز مهروس
الطريقه :
المكونات مكتوبه بترتيب الاضافه ؛ بمعنى حنعمل السكر ونضربه مع الزبده
وبعدين نضيف البيض ونكمل ضرب
وبعدين ننزل بالشيكولاته ونكون مسيحينها على حمام مايه سخنه او فى الميكروييف
وننزل عليهم بخليط الدقيق ونضربهم سوا
وفى الاخر نهرس الموز بالشوكه ونضيفه حسب المعيار ونضربهم سوا
ودى ممكن تعملوها كيك فى صينيه عادى او تعملوها كب كيك الاتنين شغال
وغطيتها جناش شيكولاته او صوص شيكولاته او بشرت على وشها شيكولاته ولو من غير اى حاجه على وشها عادى شغاااال وده حسب الرغبه 👍😉
( يفضل استخدام الموز المنقط )
والف هنا عليكم 🍫🍫🍌🍌