ما بين الموضة و سوق المال ؛ [ همسة خالد ] تتألق
أجري الحوار : عمر آدم
إعداد صحفي : ندي ربيع
همسه خالد بدأت مشوارها و اجتهدت فى مجال البورصة و الإستثمارات و الفاشون فى حوار صحفي معاها تحكى لنا عن دراستها و نجاحها في المجال .
في البداية عرفينا بنفسك ؟
همسه خالد عندي ٢٣ سنه متخرجة من كليه التجارة ٢٠٢١ تخصص محاسبة عندي اون لاين business من٢٠٢٠ ، بشتغل في Essam Ghourab Group في قسم الإستثمار و شغلي مالوش اي علاقة بدراستي حقيقي انا مثال لأي حد مش بيحب الدراسه بس شغلي غيرني ١٨٠ درجة وقدملي كل المساعدات ، الحمد لله في أقل من سنه أخدت شهادة من البورصة المصرية في التداول ، خلصت كورس إنجليزي في الجامعة البريطانية و نجحت و أخدت منحة دبلومة العلاقات العامة و بدأت فيها .
سبب حبك للفاشون و الموضة و التصوير ؟
بحب اللبس جدا و الألوان بحب اميكس الألوان ببعض دي بالنسبالي متعة و بحب اوي الشنط مبفضلش الموضة بحس ان كل واحد يلبس اللي يليق عليه و اللي يشوفوه حلو من حبي في اللبس عملت بيدچ أون لاين (زينب شوب) .
كلمينا أكتر عن تنسيق اللبس و الألوان ؟
خليني اقولك برضه أن تنسيق اللبس و الألوان بيكون حسب الشخصية لو بقترح علي حد رأي لازم أكون عارفة برجه ايه شخصيته ايه و من هنا أقوله رأيي في الاوت فيت .
هل شايفة إن البنت المحجبة مقيدة في لبسها و تصرفاتها و إنها مش بتعرف تعيش حياتها بطبيعة ؟
البنت المحجبة مش مقيدة خالص و بزعل اوي لما أشوف ناس لسه بتفكر كده احنا بقينا متفتحين أكتر من كده ، مصممين كتير مصريين نقدر ناخد منهم أفكار و بعيدا عن ده مصانع مصرية كتير بتنتج لبس محجبات بأرقي التصميمات .
كلمينا أكتر عن سوق المال المصري ؟
سوق المال المصري هو كل اهتماماتي دلوقتي أكل و شرب و متابعة للسوق هو أكتر سوق جاذب للمستثمرين للاستفادة من نمو الإقتصاد المصري و الأرباح اللى بتحققها الشركات و هي تعد من أعلى الأرباح في العالم ؛ منها العقارات أو استثمارات زراعية أو استثمارات صناعية أو الطاقة أو شركات التحول الرقمي و غيرها من مشاريع ، إن شاء الله في ٢٠٢٤ السوق المصري هينافس أسواق عالمية .
مش شايفة ان صعب البنت تشتغل في مجال سوق المال و البورصة ؟
لا بصراحة مش شايفة ان صعب بنت تشتغل في سوق المال مفيش فرق بين البنت و الولد في اي حاجه في الدنيا ، البنت دلوقتي بتمسك منصب الولد ميعرفش يوصله لازم تكون رؤيتنا بعيدة مش محدودة ، الموضوع كله اجتهاد ، اجتهدي وربنا مش بيضيع مجهود حد ، خليني أقولك أن قبل اجتهادي في دور مهم جدا هو المكان اللي بشتغل فيه اسمه Essam Ghourab Group ، هو أكبر داعم ليا و أعتقد اني لو مكنتش في المكان دا مكنتش هعرف حاجات كتير عرفتها في وقت قليل جدا حقيقي المكان بيبذل كل مجهوداته في مقابل ان كل الموجودين يكونوا علي أكبر قدر من المعلومات و الخبرة .
تنصحي البنات بإيه الي شايفة إن الحجاب مقيد لحياتهم ؟
أنصح البنات اللي شايفه ان الحجاب مقيد اقولها مادام اقتنعتي بحاجة و نفذتيها كملي مادام مش مأذية لحد تقبلي نفسك و متغيريش اي حاجة في حياتك ، الكل مجبر انه يتقبلك زي مانتي للمرة المليون المحجبين بقوا وزراء و مصممين عالمين مفيش حاجه عائق ، خلي رؤيتك أوسع فكري ازاي تطوري من نفسك اجتهدي .
إيه رأيك في اللي بيحصل في السوشيال ميديا من خلال التريندات و إن الناس أهم حاجة عندهم الشهرة مش المحتوي ؟
موضوع التريند ده بوظ الدنيا بيصعب عليا الأطفال اللي بتشوف الحاجات دي بيصعب عليا الناس اللي بتصدق حاجات كدب ، ياريت يعملوا تريند عن الشباب حملات يظهروا فيها جهود الشباب ، الشركات اللي بتساعد الشباب أو حتي المشاريع الصغيرة اي حاجة مفيدة .
إيه رأيك في كافية Nine Two Nine ؟
929 أنا بحبه أوي و بجد الأجواء بتاعت المكان مريحة نفسيا جدا سواء بليل أو الصبح هو جميل أوي ؛ سواء حابب تروح تشتغل أو تريح أعصابك أو تقعد مع أصحابك بيقدم منيو متعدد و حلو جداً سواء drink و coffee حتي desert بأعلي كواليتي و اللوكيشن بقي مميز أوي ، كل الي شغالين هناك بصراحة زوق جداً و ديماً هدفهم الأول و الأخير إنك تمشي من المكان مبسوط و تكون مستمتع .
