مستنياك .. قصيدة للشاعرة القديرة هبة أحمد حلاوة
مستنياك .. قصيدة للشاعرة القديرة هبة أحمد حلاوة
بقلم: الشاعرة هبة حلاوة
المزيد من المشاركات
مستنياك
تزرني يابا ف المنام ..
هو إحنا فينا من خصام؟!
طب شقر عليا قول “سلام”
وأحكي وأقولك “مش تمام”
من يوم غيابك أنا ف صيام
فرحي وفطوري كان معاك
عطشانة يابا ليوم لقاك
مستنياك ..
ومش فاقدة الأمل ..
مهما حصل ..
مسير لقانا يتوصل …
وعارفة إني هناك بوحشك
بس إنت تيجي وأنا أقفشك
وأشم ريحتك ..
وأنقش ملامحك ..
جوا قلبي قبل عيني
قبل حتى ما تسهيني
زي العادة وتختفي ..
قبل ما تسيبني أنطفي ..
وتاخد كل النور معاك
مستنياك ….
تزرني يابا ف المنام
جوايا ليك كتير كلام
