ملعون الاحتلال     

بقلم: يحيى المنياوي

ملعون……
ملعون….. الاحتلال..
يا جيش اندال
ليه بتقتل الاطفال..
لانك جبان مغتال
يا عدو الدين والأديان
راح يرجع صلاح الدين
افكرك ب٧٣
وجيشنا المصري العظيم
جاب راسك فى الطين
كنت بتقول خط برليف
ده حصن ومتين
صعب ومستحيل ومحال
انه يتشال…
بس جيشنا على الجبهة
كانوا ابطال…
عزيمة وكرامة وهمة
مش بالكترة.. ولا باللمة
احنا كنا فوق.. فى القمة
وقفنا وقفة رجال
الضرب كان فى كل اتجاه
والنصر كان من عند الله
يا عدو الله..
وعدو الانسانية..
يا محتل غاصب
تقتل.. وتقول حسن نية
لكى الله يا فلسطين
دمك بيسيل بالاف وبالمية
ولسة العرب نايمين….
أطفال ونساء.. جثث اشلاء
وتقولوا عروبة واخوة
فين الاحساس.. وفين النخوة
انتم الاقرب..انتم الاولة
الدور عليكم..
بس فى نهاية الجولة….
الدم سايل.. يصعب على الكافر
انقاض وتراب وخراب
مين يقدر يقاوم.. او يقدر يعافر
أطفال فى سن البراءة
قتلوهم بدم بارد
والعالم واقف يشاهد
واقف حيارة..
بين يساند.. وبين يجاهد
اوقفوا الضرب.. اوقفوا الحرب
راجعوا المشاهد..
حاسبوا الضمير الي ساكت
لو تقدروا.. رجعوا للام ضناها..
وضمايركوا الي ماتت…
لو تقدروا.. رجعوا الدم الي سال
امسحوا دموع اليتامة
حاسبوا الايد..الي قتلت وخانت
يمكن يتعدل الحال.. ولا.. محال
ملعون….. الاحتلال
ملعون…