منة فضالي : نجمة كبيرة بتحاربني وطليقي عملي عمل وخناقتى مع دينا الشربينى
منة فضالي : نجمة كبيرة بتحاربني وطليقي عملي عمل وخناقتى مع دينا الشربينى
من جديد عادت الفنانة منة فضالي لتثير الجدل وذلك في أحدث تصريحاتها التى أكدت فيها علي تعرضها لحرب شعواء من قبل إحدى النجمات الكبار في الوسط الفني علي حد وصفها وقالت إنها قررت مؤخرًا عدم التعامل معها للأبد .
تصريحات منة فضالي والتى من المتوقع أن تثير حالة من الجدل الكبير خلال الأيام القادمة جاءت خلال لقائها مع الإعلامية أميرة بدر ببرنامجها “Vip” والذى يعرض على شاشة “هي”.
وحشة وجواها أسود
واوضحت كلامها قائلة : فيه ناس كتير حاربتني ومن بينهم نجمة كبيرة مكانة وسنًا.
وأوضحت : والحقيقة أنا معنديش فكرة ليه بتعمل معايا كده رغم إننا اشتغلنا مع بعض كتير جدًا.
وبوضوح أكثر قالت : مؤخرًا كان عندنا مسلسل نقوم بتصويره في دولة عربية وأنا بطلة المسلسل والمنتج نفسه اتضايق، وكلمني عليها قولتله دي جميلة أوي وهتضيف للمسلسل.
قام قالي أنا اتضايقت أوي من ردك يا منة دي مقالتش عليها كدا وقالت كلام مش لطيف، وطلبها قدامي وقالت عني كلام مش لطيف، وأكتشفت للأسف إنها وحشة أوي وجواها أسود .
وأضافت : جايز تكون كبرت وخرفت وأنا بقولها داين تداين ولما تقطعي رزق حد ربنا مش هيباركلك ابدا.
وقالت: كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ ، ومتعرفيش امتى هضرب ضربتي، أنا قوية جدًا وبعرف أمتى أخد حقي، الجشع والكدب والنفاق مش من صفاتى .
وصراحتي للأس بتخسرني ناس كتير قوى .
وقالت أيضا فيه حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي وبأقولها كلي في نفسك.
سرقت وعمل علي سمكة
وفي سياق أخر تحدثت منة فضالي، عن حقيقة تعرضها للسحر، على يد إحدى الفنانات، وذلك من خلال سمكة، وتفاصيل القبض على مساعدتها بعد سرقتها لمجوهرات الفنانة دينا الشربينى.
حيث قالت : ده طليقي اللي عمل كده مش فنانة.
فيه واحدة قالتلي طليقي كان طلب مني أعملك عمل وأرميهولك في البحر والعمل ده اتفك لما السمكة ماتت، بس ده طبعا كلام هبل ماصدقتهوش علشان مافيش حاجة اسمها كدا وأنا مقتنعة بكده.
أنا ودينا الشربينى
وتحدثت منة فضالي خلال حديثها لأزمة خلافها مع الفنانة دينا الشربيني وذلك بسبب مساعدتها، حيث قالت: محصلش ومتخانقتش مع دينا الشربيني، واللي حصل بالضبط إن المساعدة اختفت يومين وأختها اللي كانت معايا بداخل اللوكيشن ومنعرفش عنها حاجة واضطريت أنزل البوست على فيس بوك عندي، لحد ما بنتها كلمتني وقالتلي بالنص لقينا ماما محبوسة، وهنا كلمت دينا الشربيني فقالتلي أنها في دبي ولكن لما تنزل هتطلعها وتتنازل عن المحضر.
وواصلت منة فضالي حديثها : وفعلا دينا الشربيني نزلت واتنازلت عن المحضر وطلعوها، ومعرفش هي سرقت ولا لا الحقيقة.
لأن ممكن يكون حد حابب يوقع بينهم .
وأصلا مش دينا اللي بلغت عنها دي بلغت على أن مجوهراتها اتسرقت ولكن حد بلغ أنها المساعدة، والحقيقة أن مافيش بيني وبين دينا أي خلافات من أى نوع.
من المعروف أن برنامج “vip” يعرض يوميا على شاشة قناة “هي” خلال شهر رمضان المبارك وذلك في تمام الساعة 11 مساءً، ويعاد عرضه في اليوم التالي في تمام الساعة 3 صباحًا، والساعة 10 صباحًا
