وااااااه ياما … بقلم ماجدة البهيدي
وااااااه ياما
بقلم: ماجدة البهيدي
إرجعي لي تاني ياما
كل شيء ف عيوني ضلمة
بعد حضنك مين يضم
نفسي بس ف حضن ياما
كنت ليا زى ضلي
وكل عمري إللي فاضلي
قلبي هيعيش في إنكسار
بعد حضنك مين يكونلي
و ليه الموت يفرقنا
و يملا القلب بالأحزان
بناديني عليكي ضميني
يا قلب ملاك ف توب انسان
بعد منك قلبي ياما كله نار
ليلي بعدك عاش حزين مالهوش نهار
زي ما يكون روحي مني مفارقة جسمي
وكل شيء متحلي ياما بالمرار
نفسي ياما تاني تيجي
وأجي وأبكي وأحكي ليكي
اااه يا غالية لو تعودي
يومها بس يكون ده عيدي
نفسي أصرخ بأعلى صوت
إرجعي لي أحسن بموت
جوايا بركان من العذاب
وتعبت من كتر السكوت
المزيد من المشاركات
و كأنك لسه سيباني
يا عايشة جوه إحساسي
يا أكتر واحدة فهماني
يا أمي ودنيتي وناسي
أنا بعدك وحيد محتار
يا ست الناس وست الدار
وليه الموت خدك مني
ولي تروحي بدون أعذار
و مين عنك يعوضني
يا فايتة القلب وحداني
و هونت عليكي تسبيني
لجمر ونار في جداني
واااه ياما واااه وأهين
قوليلي بس أشكي لمين
ياريتني كنت أنا فداكي
وأشيلك في حباب العين
خلاص من الفرح هنشطب
ومر الكأس هدوق وأشرب
وزود في الجروح يا زمان
ومين بعد أمي هيطبطب
بقيت في الدنيا وحدي غريب
لا صاحب ليا ولا حبيب
راحت مني أعز الناس
وسايبة القلب كله لهيب
