وصية الفنان تامر ضيائى الأخيرة بخط يده .. كلام موجع

وصية الفنان تامر ضيائى الأخيرة بخط يده .. كلام موجع

رحل عن عالمنا اليوم الفنان تامر ضيائي والذى انتقل الى رحمة الله تعالى في إحدى المستشفيات بالتجمع  بالقاهرة الجديدة أثناء دخوله في مشادة مع أحد موظفى الأمن الادارى بالمستشفى.

وذلك أثناء دخول الفنان تامر ضيائى إلى المستشفى بصحبته زوجته لإجراء جلسة علاجية لها ،كما تحقق الجهات المختصة فى هذه الواقعة داخل المستشفى، حيث يتم الاستماع لأقوال أفراد أمن المستشفى والمسئولين عنها بعد وفاته لكشف ملابسات الواقعة بالكامل

أقرأ المزيد:الاب بطرس دانيال يزور شريهان فى منزلها و يعطيها هدية .. ما القصة ؟

حيث أنه كان الفنان الراحل يعانى بالاصابة من جلطة في القلب وقد نشر عبر صفحته في موقع فيسبوك، عقب الأزمة الصحية التي عانى منها في مايو الماضي، وكتب فيها التفاصيل التي يريد بها إقامة جنازته، والعزاء.

الوصية

” هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كاتب لنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة ووقتها طبعاً مش هعرف أقولها لحد. ودي وصيتي”.

كما تابع الفنان الراحل: “صلاة الجنازة أهم من العزا وهي اللي كل ما العدد زاد كل ثوابي ما كان أكتر، فأرجوكم تصلوا عليا مش شرط تيجي العزا وياريت لو اتعمل في البيت أو مكان بسيط بفلوسه تطلعوا صدقة جارية أفضل”.

وقد أضاف: “من فضلكم لم يثبت أو يتفق عليه عمل ختمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وادعولي الوقت اللي هتقروا فيه جزء فضوا نفسكم واقعدوا ادعوا فيه، بلاش صدقة جارية تقليدية وسهلة ومش مستفاد بيها يعني المصاحف كتير في مصر أوي، وكل بيت فيه كتير فممكن نحط الفلوس في جامع بيتبني أو كرسى متحرك في مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة”.

المزيد:جوله متجدده تضم أهم أخبار محافظات الجنوب .. نشرة أخبار الصعيد

وأضاف الراحل: “دى نقطة مهمة أوي بالنسبة ليا، محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللي عندهم ومفيش حاجة بتقول إن العياط معناه عدم رضا بقضاء ربنا “وأبيضت عيناه من الحزن فهو كظيم”.

كما جدد الراحل الطلب الخاص، وكتب ،:”أهم حاجة تاني هي الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأي حاجة بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني تقعدوا معايا شوية و تمشوا عشان تونسوني في ليلة زي دي، الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوه على نفسكم بالدعاء ليا عشان أبقى في سعادة لحد ما أقابلكم تانى”

وقد استكمل: “اللي بيحبوني يدعولي كتير عشان لو مفيش حد يدعيلي ودي مهمة أوي أوي أوي عاوز الكل يسامحني على أي حاجهة عملتها فيه بقصد لو بدون قصد”.

واختتم كلامة قائلا : “اللهم إن كثر موت الفجأة من حولي وكثر موت الشباب غفلة، فيارب إن كنت أنا القادم فأحسن خاتمتي وارزقني نطق الشهادة عند الموت ويسّر طلوع روحي وهوّن عليّ سكراتي فإني أحب أن أرحل في هدوء وسكينة و طمأنينة، ولا تقبض روحي إلا وأنت راضٍ عني لكي أكون عبدا مقبولا عندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين”.