وفاء عامر عن منة فضالي: محدش يقدر يستبعدني غير ربنا سبحانه وتعالى والشغل رزق

وفاء عامر عن منة فضالي: محدش يقدر يستبعدني غير ربنا سبحانه وتعالى والشغل رزق

كتبت: أحلام محمود المخزنجي

 

ظهرت الفنانة وفاء عامر في لقاء مع الإعلامية ياسمين عز في برنامج “كلام الناس”،والذي يعرض على شاشة mbc مصر.

اهم تصريحات وفاء عامر:

وكانت قد ردت الفنانة وفاء عامر حين تم سؤالها عن الخلاف بينها وبين الفنانة منة فضالي،وحقيقة تصريحات منة فضالي بشإن استبعاد وفاء عامر من احد الأعمال الفنية.

فقالت وفاء عامر: “محدش يقدر يستبعدني غير ربنا سبحانه وتعالى والشغل رزق، وحتى لو فيه وقيعة وأنا زعلانة معاكي هل من الشرف إني أستبعدك”.

وتابعت: “يعني لو الكلام ده عليا أنا فهل ده من الشرف والأمانة والدين، بالعكس المفروض ما استبعدش حد وأساعده ياكل عيش،ربنا يزيدها ويكرمها ومش تستبعدني بس لأ تستبعد كل الزملاء، ولو هي استبعدتني فشكرا ليها، وأنا أشدت بها في مسلسل جعفر العمدة وكتبت أنها عاملة خطوة مهمة مع محمد سامي ومش هغير رأيي، وأحسن حاجة يكون الواحد قادر يكون عارف قيمة نفسه وعارف إنه ما ينفعش يكون له بديل، ومنة أكيد لو قالت كده فمش قصدها ومش عاوزة أظلم حد، لأننا اتعلمنا نحترم بعض”.

 

وقد تحدثت وفاء عامر عن زواجها من المنتج محمد فوزي،كما كشفت عن سبب نجاح هذا الزواج لمدة 22 عامًا،فقالت: “أكون زعلانة وعند أمي مش بعرفها وبقول إني رايحة أعمل أكل لسي محمد، ومش بعرف حتى ابني، لأني أعتقد إن أي حد بيتدخل في موضوع علشان يحل الموضوع بيكبر بسبب الكرامة، لذلك أنا بنصح أي زوج وزوجة لو زعلانين مفيش حد يتدخل بينهم ولو حد صمم لازم الآخر يتنازل ولازم يعرفوا بعض قبل الجواز علشان الأطفال مالهمش ذنب، لإن أنتم خلفتم واتجوزتم على حب واقتناع ومفيش حد بيتجوز غصب، ليه تخلفوا والولاد يضروا نفسيا وماديا”.

وقد أشارت إلى ان سر استمرار الزواج والسعادة الزوجية هو ان لا تحكي اي خلاف او مشكلة الى اي شخص او حتى ابنها.

حيث قالت: “كلمة السر في استمرار زواجي إن ما حدش بيعرف حاجة عن مشاكلي مع جوزي، ومفيش حد مش بيتخانق والحياة مش وردي مع كل الناس ولكن الأهم إنها ما تطلعش بره البيت”.

واضافت وفاء عامر: “العتاب بالنسبة لي على قد المحبة، والاعتراف بالمحبة والمعروف دَين مش دين فقط، دين لإن ربنا محبة وجمال وخلق فينا الخير، ودَين لإن لما حد معترف بحبك وصاحب فضل عليك ده دَين في رقبتك لو محترموش امنعيه”.

وفي سياق متصل كانت قد اشادت الإعلامية ياسمين عز التي تقدم برنامج “كلام الناس” بالفنانة وفاء عامر حيث قالت: ” أنت من نوعية الستات المفضلات بالنسبة ليا، لأن كل تصريحاتك قبل ما نعرف بعض، بتلمسني من جوه، لأنك عارفة قيمة الست وفي نفس الوقت بتحترمي الرجل، وعمرك ما شفتك في تصريح أو حوار ند بند مع أنك شخصية قوية ونجمة”.