حسام حسن في مرمى الإنتقادات .. سخرية المصريين بعد تصريحاته الأخيرة

حسام حسن في مرمى الإنتقادات .. سخرية المصريين بعد تصريحاته الأخيرة

ردود أفعال واسعة وكبيرة أثارها المدير الفنى لمنتخب مصر اللاعب الدولي السابق حسام حسن بعد التصريحات التى أدلي بها في المؤتمر الصحفي الأخير حول الأداء في الدوري المصري وتأكيده علي إنه سيء للغاية.
فقد قامت الدنيا ولم تقعد ليس بسبب حديثه عن الدورى بيننا عن مستوى اللاعب المصرى حيث قال : للأسف اللاعيبة بتلعب غلط وما فيش تمريرة والثانية بتكمل، الجهاز بيقعد في المقصورة في الماتشات يدعي ربنا يلاقي لاعب ولا اثنين يلعبوا مع المنتخب، مش لاقي لاعيبة كويسة آخدها معايا .
وواصل : وكل نادي عايز لاعيبته تتاخد ويحصل توازن بين الأندية في الاختيارات

وتحدث عن عمر مرموش قائلا : عنده مشكلة في صباع إيده وهيعمل عملية.. قولتله يا عمر أجل العملية 10 أيام على الأقل وإبراهيم حسن قاله يا عمر عندنا مهمة وطنية، ولكن قاله النادي حجز ليا العملية، هل ده موقف يصدر من لاعب!”

مصر وبوركينا فاسو

وواصل : عايز أي شخص يقولي على لاعب يستحق الانضمام للمنتخب من الدوري .. احنا بندعو ربنا إننا نلاقي لاعب واحد يساعدنا .. الكرة المصرية بتعاني من هبوط
-‏أقدم لكم إحصائية كل ما نملكه 8 لاعبين محترفين وفي المقابل يملك منتخب بوركينا فاسو 28 لاعبا محترفا، يجب مصارحة الجماهير بصعوبة الأمر، أقبل النقد ولكني أرفض الاستهزاء أو السخرية.

سخرية وإنتقادات واسعة

ورغم أن حسام حسن قال إنه يرفض السخرية والإستهزاء إلا أن التعليقات جاءت عكس ماطلب بعد هذه التصريحات فقد أنتقده الكثيرين وقام بتأييده فيما قال البعض .

فقال أحدهم : بتقدم اعزار انت علشان الاخفاق اللي جايه يكون له شماعه

تصريحات ملهاش لازمه بصراحه

لاعيبه المنتخب دي وصلت كأس عالم ولعبت ٢ نهائى أفريقيا.

وقال أخر : والله فى لاعيبة شوارع أحسن من الدورى والمحترفين جازفوا وهاتوا المواهب دى احنا بقينا بنشوف عته مش لعب إلا القليل.

وقال ثالث : كلام غير موزون بالمرة الناس اللي بيتكلم عليهم دول وصلوا كاس عالم مرتين ونافسوا على نهائي أمم أفريقيا مرتين دا على مستوى المنتخب أما على مستوى الأندية فعندك فرق هي الأكثر حصولا ومنافسات على البطولات الأفريقية، فبلاش عبط وعقد نقص، لازم كابتن حسام يعرف إن الجمهور الكروي المصري هو اللي طلبه وهو اللي وصله وواحب عليه ينحت في الصخر عشان يكون أد ثقتهم مش إنه يتوقع فشله ويجهز الشماعة اللي هيعلق عليها تقصيره من بدري أوي .
لو شايف إنك مش أدها من دلوقت بنقولك أقدم استقالتك .
وسيب غيرك يكمل هنحترمك أما أي تصريحات عصبية وهمجية مش هنقبلها .. كن على أد المسؤولية .

ربع جنيه مخروم

بينما جاء تعليق أخر : طب والله فعلا عنده حق احنا معندناش بربع جنيه مخروم كوره والو فعلا قال كدا يبقي راجل بس للاسف هيتشال من منصبه ويجي واحد اجنبي عسان الاتحاد يطلع بي اي مصلحه من وراه.

وجاء أيضا هذا التعليق : طول ما فيه محسوبية وجمايل يبقى مفيش كورة ولا مهارة لو نزلتو مراكز الشباب هتلاقو ناس افضل بكتير من اللاعيبه اللى عندكم.

وسهر من كلامه صاحب هذا التعليق بقوله : هههههه هوه مكنش عارف ان لاعيبته هتكون طالعه من الدوري المصري ولا كان قبل ما يتعاقد انه هيتصدرله من الدوري الاسباني ولا ايه النظريه .. كده بقيت بتهبل وبتخربط وان دل فيدل علي انك حد غير مسئول .

وجاء كذلك هذا التعليق : شماعه انت عايز لاعيبه سوبر ستارز على الجاهز طيب شغلتك ايه انت فين تنميه المهارات
ولا انت بتتكلم عن نادى واحد.
عندك شحاته وفتوح وزيزو وناصر منسى ودونجه من الزمالك وعندك عاشور وكهربا وأكرم ومروان وموجود كثير غيرهم .