طريقه عمل سمك بلطي مقلي بالخلطه السريه مقدم من الشيف جوجو عمرو

عشاق السمك  نعمل مع بعض السمك البلطي مقلى سنجاري زي بتاع المطاعم و انظف واحلى على طريقتى انا بطريقه جميله وجديده ومقرمش من بره وطري من جواها ومش شارب زيت ولونه دهبى وخفيف اوى وان شاء الله ينول رضاكم

طريقه عمل سمك بلطي مقلي بالخلطه السريه
مقدم من الشيف جوجو عمرو
مده التحضير 15 دقيقه
مده الطهى 15 دقيقه

المقادير
2 كيلو سمك بلطي مفتوح سنجاري

للتتبيله
راس ثوم مفرومه ناعم جدا
عودين من الكزبره الخضرا
عودين من الشبت الاخضر
عودين من البقدونس الاخضر
٣قرون فلفل حار او رومى حسب الرغبه
٢معلقه ملح كبيره
معلقه كمون كبيره
نصف معلقه صغيره كركم
رشه زعفران بسيطه
رشه جنزبيل بودر
ربع كوب خل ابيض
وربع كوب عصير ليمون

للقلى
ربع كيلو دقيق
ربع كيلو نشأ
مياه ساقعه اوى
مكعبات ثلج
ملح وكمون
وزيت غزير اوى

الطريقه

سمك بلطي مقلي بالخلطه السريه

نغسل السمك بى المياه الجاريه والخل والليمون كويس جدا بلاش تنقعو فتره طويله عشان لحم السمك مش بيستحمل وعشان ميتهريش منك أقصى حاجه ربع ساعه بعد كده نضع مقادير التتبيلة فى محاضر الطعام ونظبط الملح لو احتاج ملح تانى بعد كده نتبل السمك بى التنبيه وللقلى نحضر الدقيق على النشا وعليه ملح وكمون وتحضر بوله فيها مياه ساقعه اوى ومكبات الثلج وده السر المقرمشه المياه والثلج والنشا تمام اول حاجه نشغل على الزيت على نار عليا نضع السمكه فى النشاء والدقيق بعد كده فى المياه المثلجه والثلج ونضع مره اخرى الدقيق والنشا وعلى الزيت على طول ونهدى النار عشان يستوى والف هنا

رئيس قسم المطبخ أ سمسمه سعد